In tr Medien hert mr ständig, tass heintzutag a jedr Europäer wenigschtens drei Sproche kenne misst.

Ich hab bis zu meinm dritte Lebensjoahr nar Schwowisch kenne, nou bin ich in tr Kindrgarte kumme un tart hab ich a ungarischi Freundin khat. Vun tere haw ich Ungarisch klernt: Mir sin am Fenschtr k’stande un nou hot sie ksagt:

„Nézd a bácsi kapál!“ „Ja’, hab ich ksagt, „Schau moul, tr bácsi kakál!“

Seitdem lern ich fleißig Englisch un Taitsch, awr mei Lieblingssproch isch’s Schwowischi bliewe! Tes isch tie schenschti un leichteschti Sproch uf tr Welt! Tou gibt’s nämlich zum Beispiel ka Adjektivdeklination und tie Endunge spiele nit so großi Rolle. Un wenn uns a Wort nit eifallt, nou sagt mrs halt Hochdaitsch odr ungarisch wie tie Khadibas in unsri Stroß:

„Ja unsri unoka tes wert jetz in tem Daitschgimnasium érettségi mache un nou will sie noch uf die egyetem geh, tart wart sie komplikáció odr kommunikáció – waaß tr Teifl wie tes haaßt – studiere.“

Vum Studiere k’fallt mr tr Gyurö Vettr ei. Varchi Woch isch zu ihm a Journalist kumme un hot halt  vrschiedeni Frog k’stellt:

„Ha, un was macht aire Sohn eigentlich?“

„Ha, ter studiert grad“, woar sei Antwort.

„Ha, un was studiert er tenn, Ökonomie odr Medizin?“

„Na, er studiert grad, ob’r heint odr marge bei tr Kie ausmischte soll.“

Ich find’s aafach supergeil, wie tie Khadibas aamoul mit ihrm Mann k’schimpft hot, weil er spät vum Wirtshaus hamkumme isch:

„Tu Bitange, tu allrletscht’r! Mit tir muoß mr sich jou nar scheeme! Tu Saufprudr! Woarsch wiedr pieple? Um 2 Uhr in tr Nacht bisch geschtr hamkumme, wenn andri Leit schun ufstehn un ackre foahre. Wenns nochemoul passiert nou hosch s letschti moul k’schisse, tes kann ich tr verspreche!“

Ja, Schwowisch isch halt a Weltsproch! Wenn mr Schwowisch kann, nou vrsteht mr halt tie taitschi Sendr bessr.

Wenn mr Schwowisch kann, lernt mr nit nar Hochtaitsch leichtr, sondern aa Englisch. „This is a hous“ odr „Give me my cap“, klingt nämlich wie a vrdorbenes „Tes isch a Haus“ odr Kep mr mei  Khap“.

Trum sag ich eich lernt Schwowisch un alles andri kummt schun allaa!

2011